Är Säiten

D'Christiane Ehlinger deelt mat:

„D’Lynn an de Charel“

Wou komme mer hier a wou gi mer hin?

Eng Geschicht op lëtzebuergesch iwwert d’Sexualitéit

illustréiert vum Jean Leesch

 

D’Buch erzielt d’Geschicht vum Lynn a vum Charel vun deem Dag un, wou se op d’Welt kommen, hir Kannerzäit, d’Primärschoulszäit, d’Pubertéit, d’Studentenzäit, d’Erwuessenenzäit bis zu deem Dag wou si selwer zesummen d’Schwangerschaft an d’Gebuert vun hirem Kand erliewen.

Et schwätzt dat un, wat d’Kanner an där Altersphas beschäftegt a geet kengem Thema aus de Féiss.

D’Buch soll de Kanner Äntwerten an Ureegungen zum Gespréich ginn.

Ee léierräicht a witzegt Buch dat villen Erzéier an Elteren hëllefe wäert, mat hire Kanner iwwert d’Sexualitéit ze schwätzen.

D’Buch huet 80 Säiten, ass faarweg gedréckt a mat haardem Deckel gebonnen.

Edition Imprimerie Centrale, Abrëll 2004, ISBN: 2-87978-030-6

© LSV, Christiane Ehlinger & Guy Wagner, 2004