|
Chantal
Schenten-Keller
(II)
D'Kira
an
säin neie Frënd Fernando
Illustratiounen
: Pascale Junker
Déi ganz
Geschicht huet ugefaang, wéi d'Léierin vum Kira senger Klass krank gouf
Si
kruten dunn e neie Schoulmeeschter, den Här Schmit.
D'Kanner haten him awer ganz séier en anere Numm ginn : den " Af " .
Oder wéi géngs du een nennen, deen all Dag op d'manst dräi Bananen eraschléit
?
Doudsécher géngs du him och esou en Numm unhänken.
Mat deem neie Schoulmeeschter koum och en neie Klassekomerod.
De Fernando hat kuurz schwaarz Hoer an e war e gutt Stéck méi grouss
wéi de Max.
Den Här Schmit huet der Klass dee Neie virgestallt an huet hinnen och
gesot, datt de Fernando viru véier Joer mat sengen Elteren op Lëtzebuerg
koum. Wéi et dunn awer geheescht huet, de Fernando sollt sech niewent
d'Kira an d'Bänk sëtzen, du gouf et décke Butték ! De Max, dee ganz
verléift an d'Kira war an ëmmer niewent him souz, huet sech misse bei
de Joe sëtze goen. En huet sech vu Roserei bal net gepackt. " Blöden
Af ", huet e geknoutert, wéi en sech ganz lues aus der Bänk gehuewen
huet.
D'Paus
hat nach net richteg ugefaang, du goung de Sträit scho lass.
" Schon erëm esou e blöde Portugis ", huet de Max gebläert, " kanns
du iwwerhaapt Lëtzebuergesch schwätzen, oder solle mir vläicht alleguer
Portugisesch léieren ? "
D'Anne wollt sech och wichteg maachen a sot : "D'Portugise streide souwisou
vill méi wéi mir, a mäi Papp seet,
si géngen eis eis Aarbechtsplazen ewechbotzen. "
Och de Joe wollt säi Pefferkär bäileën : " Si sollen dach nëmme bleiwen,
wou se hierkommen ", huet e gemeckert.
Ouni
e Wuert huet de Fernando deem Gebraddels nogelauschtert.
Op eemol ass him awer de Kolli geplatzt, a seng Fauscht ass op dem Max
seng Nues geknuppt,
datt deen d'Stäre gesinn huet.
D'Nues huet geblutt, an en huet gebläert wéi e Fierkel um Spiiss.
Du koum de Jerry sengem Kolleg hëllefen an huet de Fernando op de Buedem
gehäit.
et goung eng richteg Kläpperei un.
Déi aner stoungen alleguer ronderëm an hu se mat hirem Gejhäiz nach
méi ugefeiert.
D'Kira hat richteg Matleed mam Fernando, mä wat hätt et kënne maachen
?
………………..
Wat si dem Schoulmeeschter nach gestiicht hunn a wat an dem rosae Bréif
stoung,
dat verroden ech iech awer net
………………
Vill Freed beim Liesen !
Verlag
:Op der Lay
|
